E inscì l’è rivada, al prim scrutini, l’elezzion de l’Ignazio La Russa (Fradei d’Italia) a la segonda carega del Stat. A bon cunt, se ‘l spetavom no, desgià che ‘l center-destra, con FI che l’ha votad no, el gh’haveva de havégh no i numer. E in su quella roba lì l’è vegnud foeura un pien, con l’oposizzion che la se acusa de tradiment e de havéll sostegnud.
Comunque, cossa l’ha did dopo de l’elezzion el politegh sicilian milanes d’adozzion?
- Gh’ha did grazzie a tucc quei che l’hann votad e anca a quei che l’hann votad no, a prometer de provà a vesser el president de tucc
- Gh’ha dedicad un penser al Mattarella e anca al Napolitano, che l’era capo de Stat quand che lu l’era minister de la defesa
- L’ha rengrazziad anca la senatora Segre, a compartì el so descor
- Gh’ha dedicad un penser a quei in divisa e a tucc i mort in tucc i guerre, oltra a ‘n penser ai patriota ucrain
- L’ha did che ‘l sarà inflessibel in del difender i dirit de magioranza e oposizzion
- Gh’ha dedicad un penser e l’ha rengrazziad el Sandro Pertini
- L’ha did che l’Italia la po minga fermàss per la crisi energetiga
- L’ha did che ‘l respet del pianeta e de l’ambient l’è ‘na roba propi important
- Gh’ha dedicad un penser ai disabil e ai vitime de violenza
- L’ha did che ‘l lavorà l’è rescat per la Bassitalia, i periferie e i sgioven
- L’ha did che i mort bianche criden vergogna, soratut se inn student
- Gh’ha dedicad un penser ai lavorent sanitari mort in la pandemia
- L’ha parlad de difender el Made in Italy
- L’ha did che la sarà una legislatura reformista, ma che gh’è minga besogn de ransgià la prima part
- L’ha regordad i vitime de violenza politega, sia rossa che negra
- Gh’ha dedicad un penser ai mort in la lota a la mafia e l’ha did de sbassà no la guardia
- L’ha did che besogna festegià el 1 de masg, el 25 d’avril e ‘l 2 de sgiugn, e anca el nasser del Regn d’Italia
- L’ha did che vardom a l’Europa ‘me cà comun
Rengrazziom Ultim’ora Politics per el jut.