Sem andad in direta per i Elezzion politeghe del 25 de setember 2022, de la sira di elezzion al matin dopo. Per seguìnn adess ve consiliom el canal Telegram e ‘l profil Twitter.
Ore 13:40
El Boni del Gran Nord: el popol l’ha premiad i coerent, no quei che hann saltad el foss. Ciao ciao a l’autonomia.
Ore 13:37
Esteri, elesgiud in Parlament el Crisanti, foeura el Fittipaldi
Ore 12:53
Elesgiud l’imprenditor cosmetegh Ancorotti con FdI
Ore 12:33
El Letta el se dimet de secretari del PD e ‘l nonzia che ‘l se recandidarà no al Congress del Partid.
Ore 12:27
I leader comenten i resultad, el Salvini: “resultad Liga el sodisfa no, ma compliment a la Giorgia”, el Calenda: “obietiv ambizzios, volevom la dobia cifra, el PD el tornarà del M5S”, el Letta: “i italian hann scernud la destra, ne speten di dì dur”
Ore 12:18
El Calenda: el noster obietiv assee ambizzios, la scerna de destra sovranista l’è incerta e pericolosa. Pensom che ‘l PD el tornarà in tra i brascia del M5S. Sem l’alternativa che ‘sto Paes el gh’ha de besogn
Ore 11:50
Milan a la Cambra la sarà representada de Rossello, Della Vedova e Tabacci.
Num Moderad sota el 1%, i so vot inn desperdud.
Ore 02:50
El Giuseppe Conte: hem fad una gran remonta, sem la terza forza politega, voeurom cambià quella lesg eletoral chì, el center-destra l’è magioranza in Parlament ma no in del Paes
Ore 02:42
la Meloni la rengrazzia ativista e compagn de coalizzion: farem su ancamò el raport in tra Stat e citadin
Ore 02:40
la Meloni: quella chi nocc de orgoeuj e rescat, l’è no pont de rivà ma de partenza. Gh’hem de mostrà el noster valor, l’è temp de la responsabilità. Se sarem ciamad a governà el farem per tucc i italian.
Ore 02:38
El prim descor de la Meloni: di prime proiezzion podom dì che l’è rivada ‘n indicazzion ciara, governo de center-destra a guida Fradei d’Italia. Finalment i italian gh’havarann un governo che ‘n vegn di urne, ma tancc hann no votad e l’è una roba grama.La situazzion la gh’havarà de besogn de la colaborazzion de tucc, perchè l’è tosta.
Ore 02:26
Roma center la va al center-destra
Ore 02:21
La Lianza Verd-Sinistra la passa el sbarrament
Ore 02:12
El Crosetto: son trop gross per stà dent a ‘n governo
Ore 02:07
La Meloni elesgiuda in Abruzz
Ore 02:06
FdI vers el dobià la Liga in Lombardia
Ore 02:05
Bologna, el Sgarbi el passa no: elesgiud senator el Casini. (YouTrend)
Ore 01:59
YouTrend: el Silvi Berluscon l’è elesgiud senator in del Collegi de Monscia.
Ore 01:57
Exploit del Moviment 5 Stelle in la Bassitalia, prim in Campania e forsi in Sicilia e Calabria, el ponta a vesser la prima forza de oposizzion in Parlament.
Ore 01:53
Milan 🏴, a la Cambra inanz Mandelli e Rossello del center-destra e Della Vedova del center-sinistra
Ore 01:50
El M5S l’è ciar che l’è el prim partid in Campania e ‘l podaria vessél anca in Sicilia e Calabria.
Ore 01:33
El Di Maio l’è stad mìnga rielesgiud in Parlament.
Ore 01:30
E la finiss la nosta direta per stasira, metarem domà i noeuve pussee important. Tornarem in linia doman
Ore 01:28
A Bolzan inanz el SVP, per adess nissun italofen l’andaria in Senad
Ore 01:19
El Maurizio Lupi: el ghe sarà un governo elesgiud di citadin guidad de la Meloni
Ore 01:15
La Serracchiani: un dì trist per el Paes, ma sem la prima forza d’oposizzion
Ore 01:12
La Liga a pich in Altitalia, terz partid in Lombardia, Veneto, Piemont, Friul, in Liguria adiritura dedree al M5S.
Ore 01:10
Se va vers “onda bloeu”, squasi tucc i collegi al center-destra.
Ore 01:05
l’Ilaria Cucchi l’è elesgiuda a Fiorenza
Ore 01:04
YouTrend: la Santanchè la bat el Cottarelli a l’uninominal
Ore 01:03
Senad, prim dacc: center-destra inanz a Pavia cont el Centinaio e a Bèrghem con la PirovanoA Lod inanz el center-sinistra cont el Federico.
Ore 01:00
Media internazzionai, le Monde: el Terz Pol fondamental per fà su el governo, la BBC: l’estrema destra la vinc i elezzion
Ore 00:58
Cambra, prim dacc: CDX inanz a Sondri (Giorgetti), Pavia (Cattaneo) e Berghem (Frassini)
Ore 00:55
El Bonelli de AVS: l’è ciar che ne speta un roeul important de tutella de l’ambient
Ore 00:50
Elezzion in Lombardia, a Com inanz la Ronzulli de FI, a Sest (MI) Rauti vers el bater del Fiano.
Ore 00:40
Anca l’Abascal de Vox el se congratula con la Meloni
Ore 00:37
El Lupi: sem una coalizzion unida e la Meloni la guidarà. L’è un bon resultad, num tornom a guidà el Paes e ‘l M5S el torna a longh a l’oposizzion
Ore 00:34
Proiezzion Tecnè: Forza Italia la supera, del 0.1%, la Liga
Ore 00:33
La Boschi: quei che hann perdud debon inn el Salvini e ‘l Letta
Ore 00:30
Italexit l’è foeura del Parlament
Ore 00:28
Al dacc del 17% di proiezzion in la sala del M5S tachen a vosà de felicità.
Ore 00:27
El Rosato de IV: un mes indree nanca esistevom, sem la vera novità. El gh’è pu el center-destra, ma una destra neta, pensavom no a la Meloni al 26%
Ore 00:25
El PD al so minim storegh, el 18,3%, per la segonda proiezzion SWG
Ore 00:24
YouTrend el ciama Fradei d’Italia prim partid e Moviment 5 Stelle sora de la Liga.
Ore 00:16
YouTrend l’ha ciamad l’elezzion: magioranza in Cambra e Senad per el center-destra
Ore 00:14
Riven i compliment de l’Orbán al center-destra italian
Ore 00:05
I proiezzion RAI confermen l’afermàss del center-destra, che ‘l va vèrs la magioranza, Liga sota el 10%, Terz Pol sota el 8%. PD pesg del 2018, Verd e +E passen el sbarrament.
Ore 00:00
Stime per Milan a la Cambra: el center al center-sinistra, el Nord vers el center-sinistra, el Sud vers el center-destra
Ore 23:59
El Partìd de la Le Pene l’esulta: l’Italia ghe darà una lezzion ‘na l’UE
Ore 23:54
El Boccia del PD: cont el M5S la se derva una stagion noeuva
Ore 23:47
Cont el pèrder de Milan e Roma el terz pol el ciapa nissun collegi
Ore 23:46
SWG: probabel che la Liga l’è sota al 9%
Ore 23:38
Cambra, per YouTrend el center-sinistra el vinc a Milan center
Ore 23:33
Uninominai, la Bonino la bat el Calenda a Roma
Ore 23:32
El Rampelli de FdI: con ‘sti numer chì podom governà
Ore 23:28
L’afluenza l’è al 64,67%
Ore 23:20
El Salvini: center-destra propi inanz sia a la Cambra che al Senad. La sarà una nocc lónga ma sgiamò adess voeuli dìv GRAZZIE.
El Ricciardi del M5S: credi che nissun prima de la campagna eletoral se spetava ‘sto resultad de num
Ore 23:18
Italexit per i exit poll l’entrarà mìnga in Parlament
Ore 23:15
Exit poll: al Senad a Milan el Della Vedova inanz in sul Tremonti
Ore 23:10
El Di Maio l’havaria perdud in del so collegi contra el Costa.
Ore 23:02
Prim exit poll, inanz el center-destra: FdI 22-26%; PD 17-21%; M5S 13,5-17,5%; Liga 8,5-12,5%; FI 6-8%; AZ-IV 6,5-8.5%
Ore 23:00
Sarren i urne. Podarann votà quei che inn in coa a spetà.