Con la mort de la toseta de 18 agn che l’ha fad el vacin AstraZeneca a gh’è el ris’c che AstraZeneca, in la campagna vacinal, el faga pussee mal che ben.
El soo ben che, dacc a la man, AstraZeneca l’è no inscì gram de fà e che l’è pussee un ris’c ciapàss el Covid, anca de sgiovin, che fà el vacin.
Ma gh’hem de restà coj pè per terra: ciapà el Covid a l’è una possibilità, fàss el vacin una certezza. Donca, cont un vacin assee ris’cios compagn de quell ingles, a l’è minga patent che tucc voeuren fàll: el depend de quant che vun el voeur ris’cià.
Se semper men vorarann fà AstraZeneca, ris’ciom debon de fà andà pussee pian la campagna vacinal, se la sgent la ciapa su e la torna a cà se ghe disen che farann quell vacin.
Donca, forsi, la roba pussee bona la saria de liberàss pussee a la sventa de quell vacin, per esempi con di prenotazzion reservad e svelt a quej che voeuren fàll, menà quej pussee a ris’c, indova che ‘l benefizzi in del fàll a l’è pussee volt, a fàll e, se resta ‘n quajcoss, vendél a di alter Pajes.
Tant, cont tut el rebellot che ‘l gh’è stad con l’Europa…