I daner fann dannà, ma inn no compagn de lavorà

Un para de di fa el governo l’ha aprovad el noeuv “decret sostegn”: pussee de 30 miliard, ciarament a debit, in tra sanità, jut ai aziende e pussee de redit de citadinanza e emergenza.

Se i sociazzion che representen i imprese parlen sgiamò de mesura che l’è no suficienta, l’è anca vera che, per el Stat, a l’è el massim che ‘l se po fà.

La roba che gh’hem de metès in testa l’è che i jut de Stat poden no sostituì el lavorà. Un Stat cont i cunt a post l’è bon de finanzià un poo de sarradura, ciar, ma l’Italia la gh’ha no i cunt a post.

Cont un debit che l’è semper pussee vesin al 160% in sul PIL, l’è probabel che ‘l Stat el sia no bon de pagà ancamò. E se scernissen de sarrà ancamò, come la gh’ha de mangià la sgent?

A ghe sarann i saltament ai supermercad per robà el mangià? A ghe sarann i partigian cont i s’ciop che controllen che la ghe sia no la polizzia a inciodà quej che tegnen vert el negozzi per mangià?

Lavorà l’è bell, el permet de fà daner senza tant de rebellot, senza fà de debit, senza havègh de ciamà un ragionat per savè la rava e la fava…

E inveci… sarrom. La finissarà che, se ne mazza no el Covid, ne mazzarann i mesure del governo per fermàll…

Lascia un commento

Il tuo indirizzo email non sarà pubblicato. I campi obbligatori sono contrassegnati *